Најмалку 36 лица загинаа, а повеќе од 60 се повредени и хоспитализирани откако воз излезе од шините во тунел на истокот од Тајван.
До несреќата дошло откако возот излегол од шините, а вагоните удриле во ѕидот на тунелот, пренесе Reuters.
Во моментот на несреќата во возот се наоѓале 350 патници. Од првите четири вагони евакуирани се 80 до 100 луѓе, додека пристапот до преостанатите четири вагони е многу тежок.
На интернет се објавени првите снимки од местото на несреќата, од нив и се гледаат оштетените вагони и луѓето кои се обидуваат да си ги соберат торбите и куферите.
Според некои извештаи, возот удрил во камион што паднал од насип и слетал на шините.
