Американскиот претседател Доналд Трамп упати недвосмилено предупредување до севернокорејскиот лидер Ким Џонг Ун во неговото обраќање во Парламентот на Јужна Кореја.
„Се надевам дека денеска зборувам не само во име на нашите земји, туку и во име на сите цивилизирани нации, и ѝ кажувам на Северна Кореја: : Не нѐ потценувајте, не нѐ тестирајте“, рече Трамп и му се обрати лично на Ким:
„Северна Кореја не е рајот што го замисли дедо ти, туку пекол што никој не го заслужува.“
Тој му порача на Ким дека оружјето што го набавуваат не ги прави посигурни и ги повика другите земји да се здружат за да го спречат Пјонгјанг во неговите намери.
Трамп нагласи дека тоа што воздржувањето на САД било протолкувано како слабост било „кобна грешка“ бидејќи сега на власт во САД има друга администрација.
