Свет

Трамп го нарече Ким Јонг Ун „ракетен човек“

17. септември 2017 - 16:08 | К.З.

Доналд Трамп го нарече лидерот на Северна Кореја „ракетен човек“ во твит во кој зборуваше за разговор што се случил помеѓу него и претседателот на Јужна Кореја.

Претседателот на САД повторно беше активен на социјалната мрежа Twitter, каде денеска сподели дел од разговорот кој го имал со Мун Џае Ин, претседателот на Јужна Кореја. Тој, инсинуирајќи на ракетните тестови кои Северна Кореја ги спроведе во последните неколку недели, го именуваше нивниот претседател како „ракетниот човек“.

„Зборував со претседателот Мун синоќа. Го прашав како е ракетниот човек“, напиша Трамп на својот Twitter профил.

Доналд Трамп и Мун Џае Ин зборуваа во неделата за ескалирањето на тензиите на територијата на Северна и Јужна Кореја, и се согласија дека се потребни поголеми санкции за лидерот на Северна Кореја, Ким Јонг Ун.

Коментирај