По одлуката на Апелациониот судот во Њујорк, поранешниот американски претседател Доналд Трамп би можел да биде повикан да сведочи под заклетва во случајот во кој е обвинет за сексуален напад над Самер Зервос.
Трамп минатата година се повика на претседателскиот имунитет во доказната постапка по обвинението на Самер Зервос, некогашна учесничка во „Apprentice“ натпреварот, а која наводно сексуално ја нападнал пред неколку години.
Судот во Њујорк оцени дека сега може да сведочи со оглед на тоа што веќе не ја извршува претседателската должност, пренесе AP.
Адвокатскиот тим на Зервос побара од Судот да ја поништи одлуката за изземање на тогашниот американски претседател и постапката да се врати на пониска судска инстанца, во претходна истражна постапка, што би можело да резултира со судски повик на Трамп да сведочи под заклетва, но и лично да поставува прашања кон обвинителката.