Претседателот на САД Доналд Трамп сака воена парада по повод 4Јули, Денот на независноста, што секако, наиде на бура од критики.
Во неговиот „Поздрав до Америка“ закажан за утре, Трамп ќе ѝ се обрати на нацијата од Ликолн Меморијал во Вашингтон, опкружен со тенкови.
Тенковите веќе се распределуваат, иако градските власти изразија загриженост дека борбените возила ќе ги оштетат улиците.
„Горе ќе летаат авиони, најдобрите борбени авиони на светот, и други авиони исто така“, рече републиканскиот претседател од Белата куќа.
„А надвор ќе имаме тенкови. Овој настан ќе биде посебен, како ниеден досега“, додаде Трамп, чија постапка многумина ја нарекоа „каприц“ и „очаен обид да личи на неговиот колега, рускиот претседател Владимир Путин“ кој е познат по раскошните воени паради во Москва.
На улиците на Вашингтон веќе се распоредуваат M1A1 Abrams тенкови, а се очекуваат и новите Sherman тенкови.
Критичарите велат дека ваквото однесување на Трамп опасно се доближува до „партиско киднапирање на државен празник“.
Не е познато колку ќе изнесува сметката за парадата, но Трамп побрза да се дообјасни на Twitter:
„Трошоците за нашиот величествен Поздрав до Америка утре ќе бидат мали во споредба со неговата вредност. Авионите се наши, ги имаме пилотите, аеродромите ни се во комшии (Ендрјуз), ни треба само гориво. Тенковите се наши. Огнометот е донација од два великана. Супер!“
