Претседателот на САД, Доналд Трамп, реагираше на навредите што од говорницата на Генералното собрание на ОН му ги упати министерот за надворешни работи на Северна Кореја, Ри Јонг Хо.
Трамп возврати со зборовите дека ниту министерот, ниту севернокорејскиот лидер Ким Јонг Ун „нема да ги има уште долго“ ако Ри го кажува она што го мисли Ким.
„Тукушто го слушнав министерот за надворешни работи на Северна Кореја како зборува во ОН. Ако тој го кажува она што го мисли ‘ракетното човече’ (Ким Јонг-ун), нив нема да ги има уште долго“, напиша Трамп на Твитер.
Ри Јонг Хо во својот говор во ОН го нарече американскиот претседател Доналд Трамп „ментално пореметен мегаломан“ и „претседател на злото“. Тој додаде дека „Трамп е во самоубиствена мисија“.
Тој го обвини Трамп за закани и додаде дека е „единствената причина зошто Северна Кореја поседува нуклеарно оружје се токму САД“.
Министерот рече дека навредите на Трамп ги прават „ракетните напади врз континенталниот дел на Соединетите Држави неизбежни“.