Американскиот претседател Доналд Трамп синоќа изјави дека повеќе од една седмица зема хидроксихлорокин, лек за маларија, како превентива од новиот коронавирус.
– Го употребувам последната недела. Една таблета секој ден, изјави Трамп.
Тој и претходно ја промовираше употребата на хидроксихлорикинот како евентуален лек за COVID-19 и покрај предупредувањата на лекарите.
Ниту едно истражување досега не покажа дека хидроксихлорикинот има позитивен ефект на заразените пациенти, додека американската Агенција за храна и лекови предупреди да не им се дава медикаментот на заразените со новиот коронавирус надвор од болниците и клиничките истражувања.
