Денеска е 1 април, Светски ден на шегата или, во денешно време, шеги кои може да направат повеќе штета отколку корист со смеа и лажни вести кои секој ги открива веднаш штом ќе се сети на датумот. Сепак, тоа не секогаш беше случај.
Не се знае точно кога шегите станале обичај на 1 април, многу експерти веруваат дека тоа во Европа започнало кон крајот на средниот век како „Ден на сите луди“, но во поновата историја се чини дека медиумите имаат значајна улога - барем во пласирањето шеги кои станаа легендарни затоа што милиони луѓе наседнаа на нив.
Одлична, иако ненамерна шега од 1938 година докажува дека е многу лесно да се збунат масите кои не слушаат радио внимателно. Орсон Велс предизвикал масовна паника во САД со радио драмата на Х.Џ. Велс „War of the Worlds“ бидејќи слушателите поверувале дека светот навистина е нападнат од вонземјани. Американците не се смириле ниту по серијата предупредувања дека се работи исклучиво за фикција и радио драма. Се проценува дека околу 1,7 милиони луѓе ја сфатиле приказната здраво за готово.
На 1 април 1957 година BBC во емисијата „Panorama“ емитувале репортажа за едно семејство од Тичино, Швајцарија, кое одгледува дрвја на кои растат шпагети. Во центарот на репортажата била жена која бере шпагети од дрво. Гледачите го преплавиле BBC со писма и телефонски повици по емисијата. Сакале да знаат каде можат да набават шпагети-дрво.
Во 1998 година Burger King објавил реклама во весникот USA Today за Left-handed Whopper, хамбургер кој е специјално направен за левораки бидејќи кога се консумира состојките од сендвичот капат на страната која им одговата на левораките. Откако левораките побрзаа во рестораните, Burger King призна дека само се шегува и дека во меѓувреме добиле илјадници нарачки за хамбургер кој одговара на деснаци.
