Фитнесот и разните режими и програми за вежбање стануваат сѐ попопуларни бидејќи стануваме посвесни зошто и колку е важно да го одржуваме телото во форма, а со тоа да бидеме поздрави и да се чувствуваме и изгледаме подобро.
Ако сметате дека она што го нудат класичните теретани не одговара на вашите потреби или сакате да внесете нешто ново во вашиот режим на вежбање, информирајте се кои се предностите на боксот.
Тренинг за целото тело
Без разлика дали сакате да слабеете, да ги зајакнете рацете или да добиете подобра дефиниција на мускулите, боксувањето е една од најдобрите форми на кардио за целото тело што покажува брзи резултати. Ова е еден од оние типови на вежбање каде ги активирате сите мускули, цел тренинг.
Добар е за концентрација и смирување
Ако мислите ви се разлетани на сите страни по долг ден во канцеларија, боксот е одличен начин да се исклучите од сѐ, да ја фокусирате концентрацијата и енергијата и да се ослободите од стресот. Движењата во боксот и со горниот и со долниот дел од телото бараат концентрација што значи дека мислите нема да ви летаат на сите страни и нема да мислите на сѐ и сешто. Удирањето во вреќата ќе ви помогне да ја исфрлите негативната енергија и да го зголемите нивото на ендорфини, што значи дека од теретаната ќе излезете испотени, концентрирани и без стрес.
Ви дава чувство на моќност
Во споредба со пилатес или трчање, боксувањето ви дава еден голем бонус, што се смета за еден од најголемите мотиватори да се продолжи со работење на фитнес целите, но и целите во животот – чувтвото на моќност. Тоа не значи дека ќе сакате да му ја скршите главата некому, туку дека ќе се чувствувате силни, охрабрени, мотивирани и бестрашни. Ќе имате самодоверба и енергија да се соочите со каква било препрека, а тоа значи дека ја имате моќта во ваши раце.
