Италијанскиот фудбалски клуб Милан го одбележа крајот на годината со краток филм.
Во филмот гледаме возрасен маж со седа коса, како влегува во прашлива гаража и таму наоѓа кутија обележана со „2020“. Јасно е дека гледаме филм што се случува во иднина, но земањето на кутијата и вадењето на предметите од историска и емотивна важноост предизвикува низа ретроспективи кај стариот „росонер“. Му се враќаат живописни спомени од една незаборавна, трагична, бурна, но и година која сепак даваше голема надеж на сè. И на светот, и на неговиот клуб.
Пандемија, изгубени великани, најавени нови ѕвезди, тага, среќа, солидарност... Сепак, не беше сè црно во 2020 година. Беше и црвено-црно. После долгогодишниот пад, Милан ја заврши годината на првото место во Серија А, а младиот тим го водеше стариот лав Златан Ибрахимовиќ.
И да не сте „росонер“, видеото ќе ве трогне:
