Мајката на Џек Грилиш од натпревар во натпревар го прашува својот син за третманот што го добива на натпреварите, а фудбалерот на Манчестер Сити нема одговор зошто е тоа така.
Иако е многу интересна личност надвор од теренот, за кој британската јавност често пишува повеќе отколку за неговите достигнувања со фудбалската топка, Гралиш е еден од најпосветените фудбалери на хуманитарната работа без никакви мани во кариерата.
Сепак, противничките навивачи го исвиркуваат од натпревар во натпревар, иако немаат конкретна причина за таквите постапки. Тоа е феномен кој ја мачи неговата мајка, а Грилиш го откри сето тоа по натпреварот против Арсенал во неделата.
Англискиот репрезентативец призна дека никогаш не разбрал зошто бил предмет на ваков третман.
„Секогаш се прашувам зошто ме исвиркуваат противничките фанови. И мајка ми секогаш ме прашува за тоа, а јас навистина немам одговор. На секое место каде што одам ме исвиркуваат и немам поим зошто. Само се обидувам да го свртам тоа во нешто позитивно“, рече Грилиш.
Крилниот напаѓач и претходно зборуваше за истиот проблем и на се гледаше како на шега. Меѓутоа, како што работите се повторуваат од година во година, се чини дека на мајка му сè потешко ѝ паѓа тоа.
