Професорот Бинг Лиу од Универзитетот Питсбург, кој бил на прагот на значајно откритие за коронавирост, е убиен минатиот викенд, пренесува CNN.
Лиу е пронајден мртов во домот со прострелни рани на главата, вратот, рамената и екстремитетите, соопшти полицијата.
Истражителите веруваат дека друг, неидентификуван маж, пронајден мртов во автомобил, го убил Лиу пред да си го одзеде животот. Полицијата верува дека мажите се познавале еден со друг, но не постојат индикации дека Лиу е убиен бидејќи бил Кинез, соопшти детективот Брајан Колеп.
Универзитетот во соопштение наведе дека се длабоко потресени поради трагичната смрт на Бинг Лиу, плоден истражувач и почитуван колега.
„Универзитетот изразува најдлабоко сочувство до семејството на Лиу, неговите пријатели и колеги во ова тешко време“, стои во соопштението.
Универзитетот наведе дека Бинг Лиу бил дел од многу значајни откритија за новиот коронавирус, пренесува CNN.
Убиството на научникот предизвика различни реакции во светската јавност и теории на заговор.