Украина повика безбедносен состанок со Русија поради ескалација на тензиите на нејзината граница, пишува BBC.
Министерот за надворешни работи Дмитро Кулеба изјави дека Русија ги игнорирала официјалните барања за објаснување на присуството на воени трупи на границата на Украина во последниот период.
Изјави дека следниот чекор е барање состанок за руската транспарентност и тоа во наредните 48 часа. Но, од Русија засега се немаат огласено по тој повод.
Некои западни земји предупредија дека Русија се подготвува за воена акција, а САД велат дека Москва би можела да почне воздушно бомбардирање во кој било момент.
Од друга страна, Русија негира какви било планови за инвазија на Украина без оглед на присуството на околу 100.000 војници на украинската граница.
Повеќе од 10 нации во светот ги повикаа своите граѓани да ја напуштат Украина, а некои земји ги повлекоа вработените од амбасадите во Киев.
Според CBS News, САД во следните 48 часа ќе ги повлечат своите граѓани од главниот град на Украина.
