Вооружените сили на Украина објавија дека руските војници сè повеќе користат опасни хемикалии на фронтот. Додаваат дека ваквите акции станале системски.
Само минатиот месец, мобилните групи сили и средства за поддршка и други единици забележаа 371 случај на руска употреба на муниција што содржи опасни хемиски супстанции.
Посочуваат дека ова е за 90 случаи повеќе од претходниот период.
Од февруари 2023 година до март 2024 година, војската регистрирала 1.412 случаи на руска употреба на муниција опремена со хемиски супстанции.
Според вооружените сили, главниот начин на испорака е употребата на беспилотни летала, главно со К-51 и RG-VO.
Забележано е дека Русија со тоа ја прекршува Конвенцијата за забрана на развој, производство, складирање, употреба и уништување на хемиско оружје, како и законите и обичаите на војната.
