Фудбалерите на Јорк Сити славеа во Националната лига на Англија против Дагенхам & Редбриџ, а од овој натпревар доаѓа потег каков што не е виден во светот на фудбалот.
Јорк победи со 2:1 во непријатно гостување во петтата лига на англискиот фудбал, а на крајот од натпреварот беше виден неверојатен потег. Станува збор за начин на задржување на времето каков што досега не сме виделе во светот на фудбалот.
Фудбалерите на Јорк добија слободен удар при водство од 2:1 во осмата минута од судиското надополнување. Фудбалерот Даниел Бати наместо да ја продолжи играта, да ја задржи топката и да го приведе натпреварот кон крајот, ја шутна топката надвор од стадионот за да украде што повеќе време.
Овој потег изненади многу фанови, а набрзо стана вирален на социјалните мрежи. Сепак, на крајот се исплатеше бидејќи неговиот тим дојде до важни три бода на гостински терен.
Играчите често знаат да одолговлекуваат и да крадат време во последните секунди од натпреварите со пргави потези, но шутирање на топката надвор од стадион, која веќе е во нивен посед, веројатно никогаш не е видено, барем не снимено и споделено на интернет.