Сенегалскиот голгетер Садио Мане е, без никаков сомнеж, најголемата спортска ѕвезда во својата татковина, па затоа неговите сонародници одлучија да му оддадат огромна чест - подигнувајќи му споменик.
Освен што е одличен фудбалер, напаѓачот на Баерн е познат и како голем хуманитарец кој се грижи за жителите на неговото село Бамбали.
Во неговото родно село, меѓу другото, има изградено училиште, болница, пошта и бензинска пумпа, а воедно и финансиски ги помага своите поранешни комшии.
Поради сите овие работи жителите на Бамбали одличија да му направат статуа, но се чини дека ќе беше подобро да не го направеа тоа.
Имено, ликот на статуата воопшто не личи на Мане, а особено страшен е изразот на неговото лице.
Ова е само уште една во низата бизарни статуи кои воопшто не личат на личностите кои би требало да ги претставуваат. Секако, најславна ваква статуа е онаа на Кристијано Роналдо во неговиот роден Фуншал на островите Мадеира. Бизарна статуа доби и Мохамед Салах.
