Знаете ли дека во некои делови од светот луѓето живеат подолго? Овие подрачја се наречени сини зони, термин употребен од авторот Ден Бутнер кој има направено истражувања на такви области, а на мапата ги означил со сина боја.
Жителите на сините зони често живеат до 90, па и до 100 години. Покрај долгиот животен век, карактеристична за нив е и добрата физичка форма, како и менталното здравје. Некои од тие области се островот Икарија во Грција, Калифорнија во САД, Окинава во Јапонија, Сардинија во Италија и полуостровот Никоја во Костарика.
По повеќе години истражување на овие области, Бутнер заклучил дека сите жители имаат две заеднички карактеристики: добри здравствени науки и социјална активност.
Процесот на стареење не може да се запре, но на овие начини може да придонесете за подолг живот:
Луѓето во сините зони пијат до три шолји кафе наутро. Како што одминува денот, преминуваат на чај, а по 5 часот попладне на вино.
Во текот на ноќта не јадеме и не пиеме па затоа наутро сме гладни и жедни, иако тоа не го чувствуваме. На нашето тело му е потребна вода за да ги започне сите процеси, па чаша вода е првото нешто што треба да го внесете откако ќе се разбудите.
Луѓето во сините зони си легнуваат кога им се спие и се будат без будилник. Вака избегнуваат стрес кој се смета за тивок убиец и е штетен за организмот. Воспоставувањето утрински навики помага да бидеме поефикасни и успешни. А многу луѓе тврдат дека се будат без стрес и пред 5 часот наутро и не чувствуваат стрес.
Некои истражуваа покажаа дека утринските луѓе живеат подолго од оние кои имаат навика да останат будни до доцна во ноќта и да го преспијат утрото.
Со оглед на тоа што на возрасен човек му се потребни барем 6, а идеални се 8 часа спиење, ноќните птици најчесто не спијат доволно.
Изгасете ги екраните пред спиење, дозволете да ве разбуди природна утринска светлина и избегнувајте претерана физичка активност пред спиење.
