Објавен е првиот тизер трејлер за хорор филмот The Watchers.
Овој филм го означува режисерското деби на Ишана Шјамалан, ќерката на популарниот режисер на хорори М. Најт Шјамалан. Филмот е работен според истоимениот готски роман од 2021 година на писателот А.М. Шајн.
Заплетот на The Watchers ја следи 28-годишната уметница Мина, која се наоѓа во огромна шума во западна Ирска. Кога Мина ќе најде засолниште, таа несвесно се заглавува со тројца странци кои секоја вечер ги набљудуваат и демнеат мистериозни суштества.
Во морничавиот тизер трејлер, Мина зјапа во ѕид направен целосно од стакло. Странците со кои таа е во собата ѝ велат дека ѕидот е всушност прозорец, но тие не гледаат надвор. Толпа доаѓа да ги гледаат секоја вечер, а Мина штотуку стана нивното најново дополнување.
Главната улога во филмот, Мина, ја толкува Дакота Фенинг, а во актерската екипа се и: Џорџина Кембел, Оливер Финеган, Олвен Фуере, Хана Хауланд, Алистер Брамер, Шејн О'Реган, Шон Т. О Мелаи, Ентони Морис и други ѕвезди.
Фановите на книгата изразија задоволство од тизерот во коментарите, и додаваат се надеваат дека и филмот ќе биде добар.
Премиерата на филмот во светските кина започнува на 5 јуни 2024 година.
