Англиската ѕвезда од редовите на Евертон би можел да го напушти клубот само една сезона откако пристигна таму, а неговата следна дестинација многу веројатно ќе биде тимот на Ди Си Јунајтед од МЛС лигата, велат англиските медиуми.
Напаѓачот веќе одржал разговори со челниците на Ди Си Јунајтед, но и на Евертон, и сопствениците на клубот покажале намера да го пуштат да си оди доколку тој тоа навистина го сака.
Ако може да им се верува на спортските медиуми од Островот, Вејн Руни и Ди Си Јунајтед веќе се во поодмината фаза од преговорите и единствено што се чека е да се отвори трансфер периодот во Премиер лигата за Англичанецот и официјално да премине во американскиот клуб.
Руни пристигна во Евертон минатата сезона од редовите на Манчестер Јунајтед и во моментов е водечки стрелец на клубот од Ливерпул со 11 голови. Но, неговиот учинок е сепак далеку од оној на кој бевме навикнати до пред неколку години, кога тој ги освојуваше домашните лиги и купови, како и Лигата на шампионите.
„Постојано слушам гласини за заминување на Вејн Руни во САД или Кина, но во моментов тој се чувствува како фан на Евертон и е играч на овој клуб. Во моментов не можам да потврдам ништо, но ако тој реши да си замине од Евертон, тоа ќе биде огромна одлука во неговата кариера“,
Евертон тргнува во друга насока и во моментов личи дека Руни (32) претставува само товар за клубот со неговата огромна плата од 150.000 фунти неделно. Но најголемото прашање кое се поставува е дали Руни е подготвен да се откаже од Евертон само 12 месеци по неговото емоционално враќање во клубот од детството.