Велика Британија воведе нови санкции за руските олигарси. Објавени се нови закони кои имаат за цел да ги спречат руските олигарси да пристапат до британските воздухопловни и поморски технички услуги, јавува BBC.
Британското Министерство за надворешни работи соопшти дека законот ќе забрани одржување на авиони или бродови што им припаѓаат на санкционираните руски олигарси или нивните компании.
Новите закони беа веднаш применети за да се санкционираат руските претприемачи Евгениј Швидлер и Олег Тинков. Во меѓувреме, финансиските, трговските и поморските санкции на Крим се проширени на регионите Доњецк и Луганск.
„Нема сомнеж дека Путин и неговата елита се изненадени од силата на нашите санкции. Ќе продолжиме да го зголемуваме притисокот сè додека руските трупи се во Украина, таргетирајќи ги не само компаниите на олигарсите, туку и нивните средства и начин на живот“, рече британската министерка за надворешни работи Лиз Трас.