Велосипедист на 65 години е тешко повреден откако во него удрил возач на BMW вчера во Тетово. Сообраќајната незгода се случила на булеварот „Маршал Тито“ околу 10 часот.
– Во СВР Тетово во 10:20 часот било пријавено дека на бул. „Маршал Тито“ патничко моторно возило BMW со тетовски регистарски ознаки, управувано од А.А. (35) од Тетово, удрило во велосипед управуван од Ј.П. (65) од Тетово. Во незгодата велосипедистот се здобил со тешки телесни повреди констатирани во Клиничката болница Тетово, информира Марјан Јосифоски, портпарол на СВР Тетово.
На лице место извршен бил увид од страна на екипа на СВР Тетово.
