Витаминот Д, или сончевиот витамин, е многу важен за нашето тело, а на многу луѓе им недостасува во зимските месеци.
Тој е одговорен за одржување на нормално ниво на калциум и фосфор кои циркулираат во крвта. Учествува и во апсорпцијата на калциумот во коските и, сам или во комбинација со калциум, ја зголемува минералната густина на коските и го намалува ризикот од фрактури.
Покрај изложувањето на сонце и дневна светлина, организмот можеме да го храниме со витамин Д и со консумирање одредени намирници, а го има во овие видови сушено овошје.
Сувите сливи не се познати само по нивните дигестивни придобивки, туку и по тоа што се добар извор на витамин Д. Тие се хранливи и може да се јадат како ужина.
Урмите содржат и одредена количина на витамин Д, а освен тоа, богати се и со природни шеќери. Тие, исто така, се сметаат дека се овошје што ја зголемува енергијата.
Сувите смокви се вкусен начин за зголемување на внесот на витамин Д во организмот. Покрај нивниот сладок вкус, ги краси и прекрасна кремаста текстура која ќе го воодушеви секој гурман. Сувите смокви се одлична алтернатива за урмите и можете да ги користите во десерти, сокови или едноставно како здрава ужина.
Сувото грозје е најпопуларниот член во категоријата сушено овошје, а најдоброто од сѐ е што е преполно со витамин Д. Сувото грозје има бројни нутритивни вредности и здравствени придобивки, па затоа треба да го вклучите во вашата исхрана.
