Пандемијата со коронавирусот го одложи и влезот во Куќата на славните на трагичнозагинатиот Коби Брајант.
Церемонијата со која Коби Брајант требаше свечено да влезе во Куќата на славните на американската кошарка сепак ќе мора да почека. Пандемијата на COVID-19 го одложи и овој настан кој беше закажан за 29 август.
„Дефинитивно го откажавме. Ќе се одржи некаде во првата четвртина од наредната година. За две недели ќе одржиме состанок и ќе ги разгледаме опциите за тоа како, кога и каде ќе го наравиме тоа“, изјави за ESPN Џери Коланџело, потпарол на Куќата на славните.
Коби Брајант трагично го загуби животот во хеликоптерска несреќа на 26 јануари. Имаше 41 година, а во својата долга и богата кариера 5 пати беше шампион на НБА, 18 пати се најде во Ол-стар тимот, а 3 пати беше МВП на финалињата. Сето тоа во дресот на Лос Анџелес Лејкерс.