Возењето автомобил за време на жешките летни денови може да биде вистински предизвик, особено ако возите со мали деца или бебиња.
Во автомобилот е премногу топло ако не користите климатизација, а ако ја вклучиме, се плашиме како тоа ќе влијае на децата. Ако ги следите овие совети, вашето патување ќе биде пријатно и безбедно.
Родителите честопати не се сигурни дали правилно го користат клима уредот во своето возило. Ако сте меѓу нив, еве неколку корисни информации.
Изладете го автомобилот пред да возите
Првиот совет е да обрнете внимание на тоа каде ќе го паркирате автомобилот во текот на летните денови. Ако сте во можност да го оставите автомобилот под сенка, тоа е најдобрата опција, но ако треба да го паркирате на сонце, тогаш потрудете се да го изладите пред да влезат децата внатре.
Умерени температури
Експертите посочуваат дека бебињата и малите деца можат да останат во климатизиран простор, но под услов разликата во температурата внатре и надвор да не е голема. Се препорачува разликата во температурата на воздухот да не надминува 3 до 5 степени Целзиусови.
Прилагодете го воздухот да дува нагоре
Возењето за време на потоплите денови бара употреба на климатизација во автомобилот, но многу е важно да бидете внимателни како да ја користите. Ако има дете во автомобилот, важно е да не биде директно изложено на воздух од климатизерот. Најдобро е да го поставите климатизерот така што воздухот ќе дува нагоре.
Користете одвлажнувач
Ако користите климатизација во возилото, тогаш направете го тоа умерено. Меѓутоа, ако воздухот во возилото е претопол, прво оладете, а потоа вклучете ја функцијата за одвлажнување, бидејќи со намалување на влажноста на воздухот, температурата од 26, 27 степени ќе биде многу поподнослива.