Австралиските власти заплениле големо количество од дрогата екстази во Сиднеј, чијашто вредност се проценува на околy 110 милиони американски долари, или 100 милиони евра, пренесуваат светските агенции.
Австралиската федерална полиција (AFP) запленила големи количества од ситнетичката дрога MDMA (метилендиокс-метаметамин), којашто спаѓа во редот на психостимулаторите, а според хемискиот состав е слична на метамфетаминот и халуциногениот месакалин и во чиста форма личи на бел кристален прав.
„Станува збор за најголемата заплена на дрога во Австралија во текот на 2016 година и четврто најголемо запленето количество на екстази во Австралија во историјата“, соопшти кабинетот на министерот за правосудство,
Во оваа полициска акција запленетата дрога е еднаква на количеството од повеќе од 4,1 милион екстази таблети. MDMA, покрај марихуаната, е најчесто користената дрога во Австралија, соопшти тамошната полиција.
Полицијата соопшти дека уапсила двајца Полјаци, на 18 и 19-годишна возраст, кои се осомничени дека ја внеле дрогата во Австралија.
Началникот на граничната полиција Тим Фицџералд за медиумите изјави дека запленетата дрога потекнувала од Чешка и оти криминалната организација преземала суптилни чекори да го прикрие нејзиното внесување.
„Стоката била декларирана како алуминиумски ролни во кои имаше оловни црева во кои беше сокриен наркотикот, што укажува на многу софистициран начин на криумчарење“, изјавил Фицџералд.
„Употребата на карактеристиките на оловото сугерира дека требало да го оневозможи снимањето на стоката со рентгент зраци“, додал.
Заменикот комесар за операции на австралиската полиција, Џастин Сандерс, пак, додал дека има уште 88 алуминиумски ролни кои треба да се испитаат во следните 24 до 48 часа. Таа додале дека заплената ќе има меѓународни импликации и очекува нови апсења, вклучително и во други земји.
