Во Велика Британија во изминатите 24 часа се потврдени 41.385 нови случаи на заразени со коронавирусот, што е рекорден број заразени во еден ден од почетокот на пандемијата.
Надлежните здравствени институции од Лондон соопштија дека во изминатиот ден во Велика Британија се забележани уште 357 смртни случаи од последици на COVID-19, со што вкупниот број на починати од почетокот на пандемијата во таа земја изнесува 79.339.
„Ова високо ниво на зараза сè повеќе нè загрижува во моментите кога работата на нашите болници е доведена во прашање“, изјави Ивон Дојл, медицинска сестра во Англиското јавно здравје.
Премиерот Борис Џонсон и неговите советници наведоа дека новиот сој на вирусот во оваа земја би може да биде до 70 проценти повеќе заразен и со самото тоа побрзо се шири, иако не се смета за смртоносен и поопасен од изворната варијанта.
Тоа доведе до строги мерки во Велика Британија, а ограничувањата не беа ублажени ниту за време на Божиќ
Во текот на изминатиот ден во британските болници се хоспитализирани 2.143 пациенти, а на коронавирус се тестирани вкупно 507.384 луѓе.
Велика Британија значително го зголеми бројот на тестирања од првиот бран на коронавирсуот, од 100.000 на над 500.000 дневни тестирања, пренесе Reuters.