Поради санкции од Западот, во Русија порасна и побарувачката на кондоми. Русите се плашат дека би можело да дојде до недостиг на овој производ, како и до зголемување на цената.
Најголемата онлајн продавница Wildberries, во споредба со минатата година, забележа скок во продажбата на кондоми за 170% во првите две недели на март. Зголемување од 26% забележаa и аптеките, додека супермаркетите забележале пораст од 20 проценти, пишува Metro.
Побарувачката на кондоми е толку голема што Министерството за индустрија и трговија беше принудено да издаде соопштение во кое демантира дека би можело да дојде до проблеми со снабдување.
Засилената побарувачка за кондоми се случува и покрај тоа што Reckitt, британскиот произведувач на Durex, најави дека и понатаму ќе работи во Русија.
Русија увезува 600 милиони кондоми годишно, а произведува 100 милиони. Околу 95% од пазарот на кондоми во Русија е во сопственост на странски компании.
„Англиската компанија Reckitt, која ги произведува брендовите Durex, Contex, Hussar и други, држи 60% од пазарот“, вели економскиот експерт Павел Спичаков.