Властите во Шри Ланка за првпат јавно го изложија најголемиот син сафир тежок 310 килограми, ископан пред три месеци.
Според експертите, станува збор за една од најретките скапоцености во светот бидејќи тежината надминува 300 килограми. Меѓународните организации треба да издадат сертификати за него.
Сафирот е изложен во домот на еден од сопствениците на рудникот за скапоцени камења во Хоранa, 65 километри јужно од Коломбо. Група будистички монаси со молитви го благослови скапоцениот камен пред да биде изложен во јавноста, пренесе Reuters.
Сафирот е пронајден во Ратнапура, област богата со скапоцени камења. Шри
Ланка минатата година заработи половина милијарда долари од извоз на скапоцени камења, дијаманти и друг накит.