Градот Скопје упати известување до граѓаните дека на 6 јули (среда) ќе се врши терестрична и авионска дезинсекција на подрачјето на главниот град против ларви од комарци.
Прскањето ќе се врши според следниот распоред:
1. Авионската дезинсекција против ларви од комарци ќе се реализира на 06.07.2022 година (среда), во раните утрински часови.
2. Терестричната дезинсекција против ларви од комарци ќе се реализира на 06.07.2022 година (среда), во текот на денот.
Доколку временските услови не дозволуваат да се прска, дезинсекцијата ќе се изврши првиот нареден ден кога временските услови ќе бидат поволни, во истиот термин.
„Се известуваат пчеларите навреме да ги преземат потребните мерки за заштита на пчелите“, порачуваат од Град Скопје.