Ерменија и Азербејџан војуваат за спорниот регион Нагорно-Карабах веќе 19 дена.
Двете страни меѓусебно се обвинуваат дека во текот на ноќта бомбардирале населени места.
За време на разговорите во Москва на 9 октомври, Азербејџан и Ерменија се согласија за прекин на огнот, а одлуката стапи во сила во саботата на 10 октомври, од хуманитарни причини, со цел размена на затвореници и наоѓање на телата на загинатите во борбите. И покрај ова, нападите продолжија.
Ерменските вооружени сили соборија уште еден азербејџански борбен авион Su-25, изјави заменик-командантот на ерменските сили за воздушна одбрана, полковник Гарик Мовсесјан.
„Нашите сили успешно ги извршуваат сите свои задачи. Буквално десет минути пред прес-конференцијата, тие соборија уште еден Su-25, кој беше нападнат", рече Мовсесјан.
12:19
12:17
Хикмет Халијев, помошник претседателот на Азербејџан, објави дека тројца цивили биле убиени и тројца биле сериозно ранети во нападот во градот Татар, како резултат на намерниот напад на Ерменија врз гробиштата.
„Ерменија, која се крие зад хуманитарното примирје, спроведува политика на терор против цивилите. Азербејџан го задржува сувереното право да ги заштити своите цивили“, напиша Халијев на Twitter.
12:12
„Испратив јасни пораки на ерменската влада и ерменскиот народ да престанат да се обидуваат да ги вратат ослободените територии. Ова само ќе доведе до нови загуби на животи и понатамошно крвопролевање“, рече азербејџанскиот претседател Илхам Алијев.
8:52
Министерството за надворешни работи на самопрогласената република Арцах објави дека понатамошното непризнавање на тројниот сојуз меѓу Турција, Азербејџан и меѓународните терористи, од меѓународната заедница, може да доведе до непоправливи последици не само за Јужен Кавказ, туку и надвор од таа територија.
8:44
Од друга страна, медиумите објавуваат фотографии од болницата која беше уништена за време на нападот во Азербејџан.
8:40 часот
Министерството за надворешни работи на Азербејџан извести за обидите на Ерменија да заземе некои позиции во текот на ноќта, но дека по неуспешните обиди биле бомбардирани цивилни населби во регионите Агдам, Агџабади, Горанбои и Татар.
