Шефот на противпожарниот оддел на Калифорнија вели дека најмалку 1.500 домови и службени објекти беа уништени во пожарите кои дивеат на територијата на Северна Калифорнија.
Локалните пожарникари велат дека пожарите голтаат сѐ пред себе, и дека преку 1.500 објекти биле оштетени како последица на катастрофалните пожари.
Вкупно 14 поединечни пожари беа забележани на територијата на Северна Каролина. Најпогодени се областите Напа, Сонома и Јуба, каде вкупно досега загинаа десет луѓе, а има и луѓе кои се водат како исчезнати.
Гувернерот Џери Браун прогласи вонредна состојба во повеќето општини на територијата на Калифорнија, и ја мобилизираше Националната гарда да помогне со пожарите кои се шират.
Последните податоци наведуваат дека околу 20.000 луѓе биле евакуирани од пожарите, некои самостојно, а некои со помош на војската или противпожарните сили.
