Холивудската актерка Никол Кидман драстично го промени изгледот за улогата во новата серија „Roar“.
Кидман со години носи препознатлива долга руса коса, а за потребите на новиот проект ја скрати косата и ја обои во црвена боја.
Ретко кој се сеќава на актерката од почетокот на кариерата кога имала црвени локни. Сега 54-годишната Кидман се согласи за новиот проект да се врати во нијансата со која е родена, но и драстично да ја скрати косата во минијатурен боб.
Не е познато дали актерката се потстрижала и се офарбала или само носела перика на сетот бидејќи пред само две недели можевме да ја видиме на Оскарите во Лос Анџелес, кога ги врза своите долги руси локни во елегантна пунџа.
Серијата „Roar“ пристигнува на платформата за стриминг Apple TV+ на 15 април. Ќе има голем број познати актерски имиња, како што се оскаровката Никол Кидман, Иса Реј, Синтија Ериво и Алисон Бри, а низ осумте епизоди ќе ги пренесе приказните за осум различни жени. Серијата е базирана на приказните на авторката Сесилија Ахерн.
