Родниот град на евровизиските претставници на Украина бил погоден од руски проектили неколу секунди пред бендот „Tvorchi“ да излезе на сцената во Ливерпул.
Градоначалникот на Тернопил, Серхиј Надал, вели дека во нападот биле оштетени магацини, додека шефот на регионалната администрација Володимир Труш изјави дека најмалку две лица се повредени.
„Tvorchi“ на Instagram ги цитираа извештаите за нападот на Тернопил.
„Тернопил е името на нашиот роден град кој беше бомбардиран од Русија додека пеевме на евровизиската сцена за нашите челични срца, нескротливоста и волјата“, изјавија по настапот.
