Луѓето кои одбиваат да се попишат треба да бидат санкционирани, изјави денеска премиерот Зоран Заев. Одговарајќи на новинарско прашање зошто не побарале да се продолжи рокот на регистрирање и што ќе биде со тие луѓе што не се попишани, наведе дека сите знаат како тече процесот на попишување, сите знаат дека внатре најголемиот број од податоците ги имаат од базите.
– Прашањата кои се прашуваат се неколку: етничката определеност, религиската определеност, начинот на одење и враќање од работа или слични прашања. Околу еден процент ако останаа не попишани. Луѓето кои што одбиваат да се попишат треба да бидат санкционирани, изјави Заев.
Заклучно со 29 септември според податоците на Државниот завод за ревизија во државата се попишани над 1,8 милиони граѓани. Процесот на попишување кој почна на 5 септември завршува вечерва во 20:00 часот.
