Шеснаесетгодишно момче загина во тешка сообраќајна несреќа на регионалниот пат Куманово-Свети Николе, кај кумановското село Доброшане.
МВР денеска соопшти дека синоќа во 22:05 часот било пријавено дека на регионален пат Куманово-Свети Николе, кај кумановското село Доброшане, се случила сообраќајна незгода во која учествувале моторцикл „јамаха“, управуван од 16- годишен малолетник од село Доброшане, патничко моторно возило „бмв“ со кумановски регистарски ознаки управувано од М.М.(24) од Куманово, кој првично го напуштил местото на настанот, а потоа сам се пријавил во СВР Куманово и паркирано патничко моторно возило „југо“ со кумановски регистарски ознаки, сопственост на Т.Т. од Куманово, стои во Дневниот билтен на МВР.
Во незгодата возачот на моторциклот починал на лице место, а од екипа на итна медицинска помош била констатирана смрт. Увид на местото на настанот извршиле јавен обвинител и екипа од СВР Куманово.
