Неодамнешната студија која е спроведена во Велика Британија покажа дека заштитата од вакцините Pfizer и AstraZeneca против доминантниот делта сој слабее во период од три месеци.
Утврдено е дека оние коишто се заразуваат откако ќе примат две дози може да претставуваат поголем ризик за останатите луѓе.
Студијата која е спроведена на Универзитетот во Оксфорд заснована е на повеќе од три милиони примероци земени од нос и грло ширум Британија, покажа дека 90 дена по втората доза на вакцините Pfizer или AstraZeneca нивната ефикасност опаѓа на 75 отсто, односно на 61 отсто.
Во период од две недели по втората доза ефикасноста се намалува за 85 отсто и 68 отсто. Падот на ефикасноста е поизразен кај лицата кои се постари од 35 години и повеќе, отколку кај младите.
Сепак, Сара Вокер, професорка по медицинска статистика на Оксфорд изјави дека „и двете вакцини и понатаму се ефикасни против делта сојот“.
Научниците не дадоа извештај за тоа колку ќе ослабе ефикасноста на вакцината по одреден период.