Затруените македонски војници во Словенија се во добра здравствена состојба

Македонските војници во Словенија се во добра здравствена состојба, извести Министерството за одбрана.

– Двајца македонски војници од контингентот упатен на испомош во Словенија во текот на вчерашниот ден по чистење на подрумски простории од последиците од поплавите, заедно со словенечките колеги, се пожалиле на мачнина од јаглерод моноксид по што превентивно се префрлени во болница за детални прегледи, соопшти Министерство за одбрана.

По испитувањата утврдено е дека тие се добро и во текот на утринските часови вратени се во сместувачките капацитети каде денеска ќе одмараат, се додава во соопштението.