Украинскиот претседател Володимир Зеленски објави дека руските сили напаѓаат во областа на Чернобил.
„Руските окупациски сили се обидуваат да ја освојат нуклеарната електрана во Чернобил. Нашите бранители ги даваат своите животи за трагедијата од 1986 година да не се повтори. Го пријавив ова до шведскиот премиер. Ова е објава за војна на цела Европа“, напиша Зеленски на Twitter.
Советникот на украинскиот министер за внатрешни работи Антон Герашченко изјави дека Националната гарда на Украина, која го чува складиштето на небезбеден радиоактивен отпад, дава жесток отпор.
-Во борбите можеби е оштетен и објектот за складирање нуклеарен отпад, изјави советникот, а јави дописникот на американската телевизија NBC, Ричард Енгел.
Герашченко соопшти дека Русите навлегле во зоната на Чернобил од територијата на Белорусија.
Еден нуклеарен реактор во централата во Чернобил во 1986 година експлодира и притоа со радиоактивен прав зафати поголем дел од Европа.