Роса Ибара нашла добитна грепка од Лотарија на Вирџинија од 1 милион долари во ранецот на сопругот. На новинарите подоцна им рекла дека мислела дека грепката е потрошена или безвредна.
Жената од Тексас рече дека заедно со сопругот отишле во Вирџинија каде тој добил работа на градилиште.
Таа за американските медиуми раскажа дека го чистела ранецот на сопругот кога ја нашла грепката и видела дека се работи за добитни броеви за милион долари.
Му ја покажала грепката на сопругот кој рекол дека му ја дал негов пријател и дека откако ја изгребал ја ставил во ранец мислејќи дека е некаква шега.
Се покажало дека добитната грепка не е шега и сега ќе добијат 561.798 долари по пресметување на данокот.