Кога сте една од најбогатите светски спортски ѕвезди, тогаш трошењето пари на луксузни работи и не е баш некое големо изненадување. Но, Флојд Мејведер не се плаши тоа да го покаже на социјалните мрежи и да го сподели со обожавателите.
Неговиот животен стил е откриен преку снимки и фотографии што самиот ги објавува од неговите луксузни вили, покажувајќи ги скапите автомобили и накитот со која сака да се фали.
За овој луксузен животен стил 43-годишниот Мејведер се избори сам. Тој е еден од шесте спортисти во светот кој заработил повеќе од милијарда долари во кариерата, а медиумите пишуваат дека можеби станува збор и за заработка од 3 милијарди долари.
Мејведер сака скапи работи и играчки и еве како ги троши парите.
Мејведер не штеди кога станува збор за недвижнини. Токму затоа има три неверојатни вили и тоа во Лос Анџелес, Лас Вегас и во Мајами. Најновата недвижност што ја купи е во Невада и чини 8,5 милиони евра.
Не е тајна дека Мејведер сака автомобили, а често ги добива во две бои, бела и црна. Во секој случај, мора да има по два автомобили во Лос Анџелес и во Лас Вегас. Се смета дека неговата колекција чини околу 22 милиони евра.
Поседува серија Rolls-Royce вредна неверојатни 3,5 милиони евра, четири суперавтомобили Bugatti Veyron, како и Lamborghini Aventador и Ferrari 484. Неодамна си купи и Mercedes G63 AMG, а има и брендирано комби.
Се верува дека поседува три приватни авиони. На интернет често споделува фотографии како игра покер со високи облози додека е во авион со пријатели.
Многу сака накит, вклучително и часовници и тоа најскапите. Се верува дека во неговата колекција има 41 часовник, но ниту еден не може да го надмине неговиот часовник од 239 дијаманти, вреден неверојатни 15 милиони евра.
Додека оди на НБА натпревари многу често може да биде виден како носи златен накит тежок до 11 килограми.
