Познатиот тјунер ја претстави моќната Inferno изведба.
Класата G спаѓа во редот на сериозни теренски возила, но за жал малкумина сопственици се подготвени да ја однесат во кал и да ја извалкаат.
Тоа се сопственици кои сакаат да ја покажат својата моќ и богатство со овој тип на возила. Во Manhart тоа многу добро го знаат, па претставија специјален пакет што ја носи класата G на едно ново ниво.
Но, само кога зборуваме за асфалт. Неговото име е G 800 Inferno, а неговиот изглед и моќ лесно мож да застанат покрај производите од Brabus, па дури и од Mansory. Фејслифтот вклучува каросерија од јаглеродни влакна со продолжетоци на браници, поагресивни браници и хауба со отвори. Има и LED осветлување на покривот и контрастни детали во златна боја. Во златна завршница се и бандажите.
Тјунерот од Вупертал го рафинира и 4.0 V8 твинтурбо моторот, кој сега произведува дури 809 КС и 1170 Nm. Да потсетиме, верзијата AMG на која се базира важи за еден од најбруталните теренци, а има 585 КС и 849 Nm.
Заокружувањето на листата на подобрувања на Manhart е новиот издувен систем од нерѓосувачки челик. Се разбира, клиентот може да очекува и еквивалентно ангажирање во кабината. Единствено сè уште не се знае колку во моментов се наплаќа овој тип на преработка.
