Сајбер-насилството, онлајн насилството или онлајн малтретирањето (cyberbullying) е прилично сериозна работа што може да се спречи навреме, но само кога сме свесни дека е присутна, како и дека има штетни последици.
Затоа е многу важно да бидете едуцирани во оваа област и навремено да ги забележите знаците на онлајн насилство врз вашето дете.
Ова се најчестите знаци што укажуваат дека можеби вашето дете е жртва на онлајн насилство.
Физички промени
Важно е да го набљудувате вашето дете. Одвојте неколку минути да го набљудувате детето и можеби ќе забележите некои промени. Дали се здебелило? Дали ослабело? Доколку забележите ваква промена, обидете се да разговарате отворено и да откриете дали детето е свесно за промената и потврдете дека ништо не го мачи.
Промени во расположението
Кај тинејџерите, промените во расположението можат да бидат резултат на пубертетот, но дури и тогаш тие не треба да се игнорираат. Честите промени во расположението или брзи и кратки одговори може да бидат знак дека нешто посериозно се случува во животот на детето. Обидете се да охрабрите подолги одговори и да се интересирате за активноста на децата на интернет.
Губење интерес
Кога детето одеднаш почнува да се дистанцира од семејството, пријателите и играта во која уживало до неодамна, или престане да биде возбудено од активностите што до неодамна му носеле радост, ова може да укаже дека детето се соочува со проблеми што не се видливи за вас.
Повлекување од социјалните мрежи
Обрнете посебно внимание на овој знак. Во време кога сите деца и секој тинејџер во светот поседуваат мобилен телефон и имаат социјални медиуми, навистина е чудно кога човек на таа возраст одеднаш ќе се оддалечи од сето тоа. На сите понекогаш ни треба пауза од социјалните мрежи, но ако се случи одеднаш, обрнете внимание и преземете нешто.