Еден од најзабележителните знаци на стареење е седата коса, но тоа што косата е седа не мора да биде исклучиво знак на старост.
Косата долго време се прикажува како одраз на човечката сила, здравје и убавина. Сепак, косата е таа која прва ќе ја открие нашата возраст, бидејќи седата коса е еден од најзабележливите знаци на стареење.
Сепак, седата коса не мора секогаш да биде знак на старост.
Седата коса се јавува како резултат на намалување на пигментот, додека целосно белата коса не содржи пигмент.
На самиот почеток од животот косата е бела. Подоцна ја добива својата природна боја од пигментот наречен меланин. Природната боја што ќе ја имаме во текот на животот зависи од распоредот, количината и видот на меланин во средниот слој на влакната или обвивката.
Во косата има само два вида пигменти: темен (еумеланин) и светол (феомеланин). Првото нешто што треба да знаете е дека косата седи поради недостаток на меланин, пигмент во фоликулите на косата, објаснува професорот по дерматологија д-р Гери Годенберг.
Генетиката игра значајна улога, а ако вашите родители рано добиле седа коса, веројатно тоа ќе биде случај и со вас. Ако никој во вашето семејство не добил седа коса рано, вашата коса може да биде седа поради следниве причини:
Недостаток на витамин Б12
Експертите не се сигурни зошто овој витамин влијае на пигментот на косата, но нивото на витамин Б12 можете да го проверите преку лабораториски анализи.
Стрес
Научниците докажаа дека честото изложување на стрес предизвикува косата рано да стане седа.
„Стресот го зголемува нивото на кортизол, што го зголемува бројот на слободните радикали и ги оштетува фоликулите и клетките кои произведуваат пигмент на косата“, вели дерматологот д-р Голденберг.
За жал, Голденберг тврди дека косата која еднаш станала седа никогаш не може да ја врати својата природна боја и покрај различните рецепти кои можат да се најдат ширум интернетот. Сепак, тој ве советува да ги преземете сите чекори за косата предвреме да не ви стане седа, како здрава исхрана, редовна физичка активност и непотребна изложеност на стрес.
Ако не се работи за генетика, нема друго решение освен фарбање на косата.
