Според истражувачите од Универзитетот Харвард, мажите треба да ејакулираат најмалку 21 пати месечно за да го намалат ризикот од рак на простата.
За студијата, објавена во списанието European Urology, 31.925 мажи дадоа податоци за нивната просечна фреквенција на месечна ејакулација. Истражувачите откриле дека мажите кои почесто ејакулираат ги намалуваат шансите за развој на рак на простата за една третина.
„Оценивме дали фреквенцијата на ејакулација во зрелоста е поврзана со ризик од рак на простата“, пишуваат авторите на студијата.
„Откривме дека мажите кои ејакулираат почесто во зрелоста, имаат помала веројатност да бидат дијагностицирани со рак на простата, во споредба со оние кои го прават тоа поретко“, наведуваат тие.
Но, помалите шанси за развој на рак на простата не се единствената предност на почеста ејакулација. Откриено е дека драматично ги намалува чувствата на стрес и вознемиреност.
„Покрај намалувањето на чувството на болка, лачењето на ендорфин доведува до чувство на еуфорија, модулација на апетитот, ослободување на полови хормони и зајакнување на имунолошкиот одговор“, вели Medicine Net.
Секој што заспал по ејакулација, исто така, знае дека тоа е добро познато „помагало“ за спиење. Тоа не е само мит. Кога ејакулирате, вашето тело ослободува хормони како пролактин и окситоцин, што ве прави поспани и подготвени за заслужен одмор.