Ако имате навика да играте на мобилниот телефон додека седите на веце шолјата, оваа приказна можеби ќе ве разубеди.
Маж од Џунгшан, Кина завршил во болница откако по долго седење на веце шолјата добил пролапс на ректумот, што подразбира паѓање на ректумот и аналниот канал.
Откако бил примен во болница, на лекарите им кажал дека половина час се обидувал да ги испразни цревата и дека за тоа време играл на мобилниот телефон.
Докторите велат дека несреќниот човек доживеал пролапс на ректумот во должина од 16 сантиметри, но по успешниот гастроинтестинален зафат сѐ било вратено на место.
„Пациентот имал пролапс на ректумот од четири години, но отокот претходно сам се повлекувал. Бидејќи со текот на годините не се лечел, ситуацијата му се влошила“, изјави еден од неговите доктори.
До пролапс доаѓа кај луѓе со лабав мускул сфинктер, што може да биде предизвикано од повреда, хроничен запек, инфекција, појава на паразити во гастроинтестиналниот тракт или поради оштетување на нервите.
Во таква ситуација ректумот се откачува и буквално паѓа од анусот.
Оваа проблематична состојба погодува двајца на 100.000 луѓе и најчесто се јавува кај луѓе постари од 50 години и е почеста кај жените отколку кај мажите.
