Овие мали црвени плодови со слатко-кисел викус не претставуваат само одличен додаток за разни десерти, туку се и моќен извор на антиоксиданси.
Постојат многу причини поради кои треба да ги вметнете црешите секојдневно во вашата исхрана, а ова се дел од нив.
Добри се за несоница
Ако имате проблеми со спиењето, дефинитивно треба да јадете цреши. Содржат мелатонин и природно поттикнуваат здрав и квалитетен сон, пишува Д екоенимк.
Го намалуваат холестеролот
Истражувањата покажаа дека црешите, особено сокот и пијалаците направени од нив, го намалуваат ЛДЛ холестеролот кој во најголема мерка е одговорен за поголем ризик од срцев удар.
Сокот од цреши може да биде корисен и за чистење на замастен црн дроб бидејќи ги намалува триглицеридите.
Го регулираат крвниот притисок и спречуваат дијабетес
Црешите помагаат во регулирање на крвниот притисок и стабилизираат хипертензија. Поради киселоста, ова овошје има низок гликемиски индекс што значи дека не предизвикува скокови на инсулин и на тој начин спречува дијабетес.
Ги ублажуваат симптомите на артритис и гихт
Црешите имаат антивоспалителни својства и можат да ја олеснат болката. Добри се и за пациенти со остеопороза. Ова овошје ги ублажува болките кои се јавуваат како последица од артритис и гихт.