Јупитер е петтата планета од Сонцето и најголема во Сончевиот Систем.
Таа е џиновска планета и е 2,5 пати потешка од останатите планети во Сончевиот Систем заедно.
Јупитер и Сатурн се гасовити џинови; другите две џиновски планети, Уран и Нептун, се ледени џинови. Јупитер им бил бознат на астрономите уште од древни времиња, а за тоа зборува и фактот дека го добила името по римскиот бог Јупитер.
Гледано од Земјата, Јупитер во просек е третиот најсветол природен објект на ноќното небо по Месечината и Венера.
Јупитер првенствено е составен од водород, а четвртина од неговата маса го сочинува хелиумот. Како и другите џиновски планети, Јупитер нема добро дефинирана цврста површина. Поради неговата брза ротација, планетата има форма на сплеснат сфероид. Надворешнатаатмосфера е видливо одвоена на неколку слоја со различни ширини, што резултира со турбуленции и бури по нивните меѓусебни граници. Значаен резултат е Големата црвена точка, огромна бура што е познато дека постоела уште од 17 век, кога за првпат била забележана со телескоп. Околината на Јупитер е слаб планетски прстен систем и моќна магнетосфера. Јупитер има 79 познати месечини, вклучувајќи ги и четирите големи Галилејски месечини отриени од Галилео Галилеј во 1610. Ганимед, најголемата од нив, има пречник поголем од оној на планетата Меркур.
Во продолжение, погледнете го видеото со десетте најневеројатни факти во врска со џинот Јупитер:
