Барселона го победи Атлетик Билбао со 1:0 во 9. коло од Ла Лига и го искористи ремито на Реал со Севиља и се доближи на само бод заостанување.
Стрелец на единствениот гол на натпреварот беше 17-годишниот Марк Гуиу во 80. минута, само 23 секунди по влегувањето во игра.
Барселона имаше две одлични шанси во првото полувреме, но најпрвин Жоао Феликс во 10. минута, а четири минути подоцна Унаи Симон фантастично одбрани од Фермин Лопес. На другата страна Тер Штеген му одбрани одлични можности на Инаки Вилијамс во 21. и 44. минута.
Домашните требаше да поведат во 58. минута кога Унаи Симон најпрвин со неверојатни интервенции го одбрани ударот на Феликс, а потоа чист шут за Лопес кој налета на одбиената топка и за малку ќе погодеше во празен гол.
Во 64. минута Јамал имаше одлична прилика крај голот, а во 75. Унаи Симон го спаси ударот од корнер на Жоао Кансело. И кога се чинеше дека гостите ќе спасат бод, 17-годишниот Марк Гуиу ја реши играта. Тој влезе од клупата во 79. минута и само 23 секунди подоцна постигна одличен гол на асистенција на Жоао Феликс.
Тоа беше деби за Барселона за младиот играч, а тој стана играчот кој го постигна најбрзиот гол на дебитант во историјата на шпанската лига.
Барселона следниот викенд има големо дерби со Реал на домашен терен, а победа на тој натпревар може да ја однесе на првото место.