Секторот за внатрешни работи Скопје во текот на вчерашниот ден (04.08.2023) продолжи со контролите во областа на сообраќајот.
Иако градот е полупразен, скопјани сепак успеаја за еден ден да направат дури 182 прекршока.
МВР известува дека на територија на град Скопје изречени се вкупно 182 мерки, меѓу кои за возење повеќе од дозволената брзина 38 санкции, 14 мерки за возење без возачка дозвола, 13 мерки за користење мобилен телефон при возење, 12 санкции за некористење сигурносен појас… Изречени се 7 мерки за минување на затворен сигнал-црвено светло, 6 санкции за непрописно престигнување и обиколување…
„Сообраќајните контроли продолжуваат и во наредните денови. Апелираме до граѓаните да ги почитуваат сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта“, порачува МВР.