НА ДЕНЕШЕН ДЕН

25 ноември 1939, објавена е збирката поезија „Бели мугри“ од Кочо Рацин

„Бели мугри“ е збирка поезија од Кочо Рацин, објавена во 1939 година во Самобор, близу Загреб. Таа е трета стихозбирка објавена на македонски јазик по стихозбирките на Венко Марковски, „Народни бигори“ и „Огинот“, објавени во 1938 година.

Стихозбирката е испечатена на 25 ноември во печатницата на Драгутин Шпулер во 4.000 примероци. Според вообичаената комунистичка практика, насловот е испечатен со црвени букви, а поради опасноста да се дознае идентитетот на авторот, Коста Солев ја објавува под псевдонимот „К. Рацин“. Стихозбирката брзо се растура по цела тогашна Југославија и во Пиринска Македонија и постигнува голем успех.

Збирката претставува извонредно крупен настан во културната и политичката историја на македонскиот народ и пошироко. Тоа е врвен дострел на Рациновото творештво. Дело неделиво од неговиот живот и неговото класно и национално определување. Дело со кое ги потврдува можностите за изразување и на најсуптилните чувства на јазикот кој бил забрануван и одрекуван. Творечки се потпира врз достоинството што ги носи македонското народно епско и лирско творештво збогатени со сопствен творечки однос. Се создава поезија изворна и своевидна, автентична и длабоко доживеана со јазик на убавината.

Со полна поетска сугестивност и емотивност ги изразува црнилата на животот на македонскиот човек и вечните стремежи на човекот за подобар, поправичен свет, песни што ќе ги отворат прозорците за благороден културен натпревар со другите народи во светот. Со „Бели мугри“ се отворил пат на современата македонска литература и така Кочо Рацин станал еден од основоположниците на современата македонска книжевност.

Стихозбирката „Бели мугри“ е составена од 12 песни, во 5 циклуси напишани на велешки дијалект со примеси од западно-македонските говори, во кои доминираат социјалните и револуционерните теми. Насловот на стихозбирката е симболичен - пејзаж кој е посакуван од работниците, аргатите и сите експлоатирани луѓе. Тоа е ново утро, нов почеток, нов живот во кој сите ќе бидат еднакви. „Бели мугри“ била создадена под влијание на народната поезија, како и на „Зборникот“ од браќата Миладиновци. Највпечатливи мотиви во Рациновите песни се: аргатската мака („Денови“ и „Селска мака“), социјално-класната неправда („Тутуноберачите“), револуционерен повик („Копачите“), патриотски мотиви („Елегии за тебе“, „Уторото над нас“ и „Татунчо“), жал за пропаднатите занаети („На Струга дуќан да имам“) и печалбарската тага („Проштавање“).

реклама

Исплива видео со Ивана Кнол од 2016: Како изгледаше порано „огнената“ Хрватка?

Read more

Од полноќ поголемо намалување на цените на горивата

Read more

Ана Брнабиќ: Србија е на раб на војна со Косово

Read more

Путин со шампањ в рака објасни зошто нема да прекине со напади

Read more

Култура

29 години од смртта на Блаже Конески: Јазикот е нашата единствена целосна татковина

Read more

Кинотека со богата декемвриска понуда на европски класици и домашни филмови

Read more

Милчо Мисоски добитник на наградата „Караманов 2022“

Read more

Прогласени победниците на „Анимакс Скопје Фест“

Read more
 

Вести

Уапсени четири лица под сомнеж за корупција во Европскиот парламент

Читај повеќе

Наташа Габер-Дaмјановска реизбрана за директор на Академијата за судии и јавни обвинители

Читај повеќе

Платениците на Вагнер се приклучија во безмилосната борба за Бахмут

Читај повеќе

Ќе се дише ли зимава?

Читај повеќе

АХВ: Регистрирана афиканска чума во одгледувалиште во кумановското село Тромеѓа

Читај повеќе

Одбиени уште 26 амандмани на Предлог-буџетот за 2023 година

Читај повеќе

Лажни и денешните дојави за бомби во Скопје

Читај повеќе
  • play_arrow

Моментот кога кошаркарката Грајнер беше разменета за рускиот „трговец на смртта“

Читај повеќе

Ана Брнабиќ: Србија е на раб на војна со Косово

Читај повеќе